Azərbaycanın qadın futbolçulardan ibarət milli komandası dünya çempionatının seçmə mərhələsində növbəti oyununu keçirib.

Realmedia.info xəbər verir ki, baş məşqçi Siyasət Əsgərovun rəhbərlik etdiyi yığma C Liqasının 3-cü qrupunda Macarıstan millisini qəbul edib.

Sumqayıtda, Mehdi Hüseynzadə adına şəhər stadionunda baş tutan qarşılaşma qonaq komandanın 2:1 hesablı qələbəsi ilə yekunlaşıb. Azərbaycan millisinin yeganə qolunu oyunun 74-cü dəqiqəsində Xanım Əsədova vurub.

Qeyd edək ki, yığmamız seçmə mərhələdə daha əvvəl Andorra üzərində evdə və səfərdə qələbələr qazanıb, həmçinin Şimali Makedoniyanı məğlub edib. Komanda Macarıstana qarşı keçirdiyi hər iki oyunda isə məğlub olub.

Azərbaycan millisi növbəti oyununu iyunun 9-da Şimali Makedoniya yığmasına qarşı keçirəcək.