Realmedia.info xəbər verir ki, Sumqayıt şəhərinin Xəzri bağları ərazisində baş verən dəm qazı zəhərlənməsi hadisəsi nəticəsində 2 yaşlı Gülcənnət həyatını itirib.
Məlumata görə, 9 uşaqlı ailənin 6 övladı palçıqla oynadıqdan sonra eyni vaxtda hamam otağına daxil olaraq yuyunmaq istəyiblər və bu zaman dəm qazından zəhərləniblər.

Uşaqlar dərhal xəstəxanaya aparılıb. Həkimlərin müdaxiləsindən sonra onların vəziyyəti stabilləşsə də, 6 uşaqdan ikisinin müalicəsinin xəstəxanada davam etdirilməsi tövsiyə olunsa da, valideynlər onları evə aparıblar. Daha sonra uşaqların vəziyyəti pisləşdiyindən yenidən xəstəxanaya gətiriliblər.

Hazırda digər uşaqların müalicəsi davam edir və vəziyyətləri nəzarət altındadır.

Bu hadisə valideynlərə və cəmiyyətə dəm qazı təhlükəsizliyi ilə bağlı ciddi xəbərdarlıqdır.