İranda iki həftədir davam edən etiraz aksiyaları fonunda paytaxt Tehran başda olmaqla bir sıra şəhərlərdə gecə saatlarında gərginlik müşahidə olunur.

Məlumatlara görə, etirazçılar küçələrə çıxaraq hökumət əleyhinə şüarlar səsləndiriblər. Hökumətyönlü media qurumları isə şəhər ərazilərində baş verdiyi iddia olunan dağıntıların görüntülərini yayımlayıb.

Rəsmi mənbələr etirazçıları “ictimai əmlakı məhv etməkdə” və “etirazlar adı altında ölkəyə qarşı düşmənçilik fəaliyyətində” ittiham ediblər. Hadisələrlə bağlı saxlanılanların olub-olmaması və ümumi vəziyyət barədə rəsmi açıqlamalar məhduddur.

Hazırda ölkədə təhlükəsizlik tədbirlərinin gücləndirildiyi bildirilir. Etirazların səbəbləri və miqyası ilə bağlı müstəqil mənbələrdən təsdiqlənmiş geniş məlumat verilməyib.

Realmedia.az