İranlı müğənni Pərəstu Əhmədi və onun prodüser komandasının üzvləri hicabsız çıxış etdiklərinə görə 74 şallaq zərbəsi cəzasına məhkum ediliblər.

Realmedia.info xəbər verir ki, bu barədə "The Guardian" nəşri məlumat yayıb.

Məlumata görə, 2024-cü ilin dekabrında 29 yaşlı müğənni özünün "YouTube" kanalında canlı yayım zamanı "Az Khoone Javanane Vatan" adlı vətənpərvərlik mahnısını ifa edib. Qısa müddətdə milyonlarla baxış toplayan çıxış zamanı Əhmədi baş örtüyü taxmayıb.

Bunun ardından İran məhkəməsi sənətçini 74 şallaq zərbəsi cəzasına məhkum edib. Qum əyalətinin məhkəməsi, həmçinin ictimai əxlaqı təhqir etdiyi əsası ilə ifaçıya iki il müddətinə ölkədən çıxış və yaradıcılıq fəaliyyəti ilə məşğul olmaq qadağası da tətbiq edib.

Məhkəmə tərəfindən yayımlanan video "bayağı və əxlaqsız məzmun" kimi qiymətləndirilib.