Fransa hökuməti Hantavirus aşkarlanan şəxslərlə təmasda olmuş 8 nəfəri karantinə yerləşdirib. Məlumatı AFP agentliyinə istinadən ölkənin Səhiyyə Nazirliyi təsdiqləyib.

Məlumata görə, karantinə alınan şəxslərdən biri göyərtəsində yoluxma qeydə alınmış sərnişinin olduğu təyyarədə olub. Həkimlər onda yüngül simptomlar müşahidə etsələr də, aparılan testlər nəticə etibarilə mənfi çıxıb. Digər 7 nəfər isə “MV Hondius” kruiz gəmisindən enən bir yoluxmuş şəxs ilə təmasda olub.

Hazırda həmin gəmidə olan 5 Fransa vətəndaşı Kanar adalarına çatdıqdan sonra ölkəyə qaytarılacaq və əlavə tibbi müayinələrdən keçiriləcək. Onlar Fransaya döndükdən sonra da yenidən yoxlanılacaq.

Səhiyyə protokoluna əsasən, simptomu olan şəxslər ixtisaslaşmış tibb müəssisələrinə yerləşdiriləcək, simptomsuz şəxslər isə müşahidə altında saxlanılacaq.
World Health Organization ekspertlərinin açıqlamasına görə, hazırda “Andes” növünə aid hantavirusa qarşı təsdiqlənmiş peyvənd və ya xüsusi müalicə yoxdur. ÜST bildirir ki, əsas müdafiə yolu erkən diaqnoz və tibbi müdaxilədir.

Qurum həmçinin vurğulayıb ki, kruiz gəmisində qeydə alınan yoluxma halları yeni pandemiyanın başlanğıcı kimi qiymətləndirilməməlidir.