İsraildə hantavirus infeksiyasına yoluxma halı qeydə alınıb.
Realmedia.info xəbər verir ki, məlumatı “The Jerusalem Post” nəşri yayıb. Bildirilir ki, ilk yoluxma Şərqi Avropaya səfər edib qayıdan bir şəxsdə aşkarlanıb. Pasiyentdə virusun məhz “Avropa ştammı” təsdiqlənib.

Məlumata əsasən, analoji yoluxma halları bundan əvvəl Fransa, İsveçrə və Cənubi Afrika Respublikasında da qeydə alınıb.

Qeyd edilir ki, İsraildə aşkarlanan bu hadisənin Cənubi Amerika ştammının yayıldığı “MV Hondius” kruiz laynerində baş vermiş virus alovlanması ilə əlaqəsi yoxdur. Həmin gəmidə azı üç nəfərin öldüyü, doqquz nəfərin isə xəstələndiyi bildirilib. Karantin tədbirlərinə qədər 40 sərnişinin sahilə endiyi qeyd olunur.

Hazırda gəminin İspaniya sahillərinə yaxınlaşdığı bildirilir.