ABŞ Silahlı Qüvvələrinin Mərkəzi Komandanlığı (CENTCOM) Hörmüz boğazında blokadanın Bakı vaxtı ilə saat 18:00-da qüvvəyə minəcəyini elan edib.

Realmedia.info xəbər verir ki, bu barədə ABŞ Hərbi Hava Qüvvələri Komandanlığının “Telegram” kanalında məlumat yayılıb.

Bildirilib ki, qərar ABŞ və İran arasında aparılan danışıqların iflasa uğramasından sonra, ABŞ-ın keçmiş prezidenti Donald Trampın tapşırığı əsasında verilib.

Qeyd olunub ki, Mərkəzi Komandanlığın qüvvələri Hörmüz boğazından qeyri-İran limanlarına və ya həmin limanlardan keçən gəmilərin naviqasiya azadlığına mane olmayacaq.

Məlumata görə, blokada İranın Ərəbistan və Oman körfəzlərində yerləşən bütün limanlarını əhatə edir və İran limanlarına daxil olan və ya oradan çıxan bütün ölkələrin gəmilərinə qarşı qərəzsiz şəkildə tətbiq ediləcək.

Xatırladaq ki, Donald Tramp aprelin 12-də ABŞ Hərbi Dəniz Qüvvələrinin Hörmüz boğazına daxil olan və ya oranı tərk edən gəmilərə qarşı blokada tətbiq edəcəyini açıqlamışdı.