Pakistanın təhlükəsizlik qüvvələri Bəlucistan əyalətinin bir neçə bölgəsində silahlı qruplaşmaların planlaşdırdığı hücum cəhdlərinin qarşısını alıb.

Realmedia xəbər verir ki, əyalət rəsmisi Şahid Rindin açıqlamasına görə, təhlükəsizlik qüvvələri vaxtında həyata keçirilən əməliyyatlar nəticəsində hücumların reallaşmasına imkan verməyib.

Məlumata əsasən, son iki gün ərzində aparılan genişmiqyaslı əməliyyatlar zamanı ümumilikdə 70 terrorçu zərərsizləşdirilib. Təhlükəsizlik qüvvələrinin bölgədə sabitliyin təmin olunması istiqamətində əməliyyatları davam etdirdiyi bildirilir.

Qeyd edək ki, Bəlucistan əyaləti son dövrlərdə silahlı qrupların fəallığı ilə diqqət mərkəzindədir və Pakistan hakimiyyəti terror təhlükəsinə qarşı mübarizəni gücləndirib.