
Əziz Əliyev adına Azərbaycan Dövlət Həkimləri Təkmilləşdirmə İnstitutunun Plastik və Rekonstruktiv Cərrahiyyə Klinikasına yeni direktor təyin edilib.
Realmedia.info xəbər verir ki, bununla bağlı səhiyyə naziri Teymur Musayev tərəfindən müvafiq əmr imzalanıb.
Əmrə əsasən, tanınmış plastik cərrah Dilqəm Məmmədov klinikanın direktoru vəzifəsinə təyin olunub.
Yeni təyinatla klinikanın fəaliyyətinin daha da təkmilləşdirilməsi, plastik və rekonstruktiv cərrahiyyə sahəsində tibbi xidmətlərin inkişaf etdirilməsi istiqamətində işlərin davam etdirilməsi gözlənilir.