Bakı Ali Neft Məktəbinin (BANM) tələbəsi Cəmilə Yusifova magistraturaya qəbul imtahanlarında növbəti dəfə ölkə üzrə ən yüksək nəticəni göstərib.

Məlumata görə, magistraturaya qəbul imtahanlarının ikinci cəhdinin esse mərhələsinin nəticələri açıqlandıqdan sonra onun 98,5 bal topladığı və ölkə birincisi olduğu müəyyənləşib.

Bildirilib ki, Cəmilə Yusifova magistratura imtahanlarının üçüncü cəhdində də iştirak edib və hazırda nəticələri gözləyir. Onun əsas hədəfi maksimum nəticə - 100 bal toplamaqdır.

Qeyd edək ki, Cəmilə Yusifova beş il əvvəl 685 bal toplayaraq Bakı Ali Neft Məktəbinə qəbul olub. O, Prezident təqaüdçüsüdür və hazırda ölkənin bank sektorunda kibertəhlükəsizlik üzrə mütəxəssis kimi fəaliyyət göstərir.

Realmedia.info