Ali təhsil müəssisələrinin magistraturalarına qəbul üçün 17 may 2026-cı il tarixində keçirilmiş imtahanın qapalı və kodlaşdırıla bilən açıq tipli tapşırıqlar üzrə nəticələri elan olunub.

Bu barədə Dövlət İmtahan Mərkəzi məlumat yayıb.
Bildirilib ki, imtahan iştirakçıları 95 tapşırıq üzrə nəticələrini rəsmi qaydada öyrənə bilərlər. Nəticələrə baxmaq üçün vətəndaşlar həmçinin mobil operatorlar vasitəsilə “iş nömrəsi”ni 7727 qısa nömrəsinə göndərməklə də məlumat əldə edə bilirlər.

Qeyd edilib ki, yekun imtahan balı xarici dil fənləri üzrə esse tapşırıqlarının yoxlanılmasından sonra 6 həftə ərzində təqdim olunacaq.

İmtahan sisteminə əsasən:

Qapalı və kodlaşdırıla bilən tapşırıqlar üzrə maksimum 95 bal
Esse tapşırığı üzrə maksimum 5 bal
Ümumi maksimum nəticə 100 baldır
Apellyasiya müraciətlərinə isə yekun nəticələr elan olunduqdan sonra baxılacaq.