Qazax rayonu üzrə buraxılış imtahanlarının nəticələri açıqlanıb və ən yüksək nəticə diqqət çəkib.

Belə ki, Vətən müharibəsi qazisi Xəyyam Əliyevin qızı Nigar Əliyeva 300 mümkün baldan 297,5 bal toplayaraq rayon birincisi adına layiq görülüb. O, yüksək nəticəsi ilə yalnız Qazax rayonu üzrə deyil, eyni zamanda Gəncə–Qazax iqtisadi zonası üzrə də lider olub.

Nigar Əliyevanın əldə etdiyi bu uğur həm təhsil göstəricisi, həm də sosial baxımdan böyük əhəmiyyət daşıyır. Qazinin övladının belə yüksək nəticə göstərməsi cəmiyyətdə xüsusi rəğbətlə qarşılanıb.

Qeyd edək ki, buraxılış imtahanlarının nəticələri abituriyentlərin ali məktəblərə qəbul prosesində mühüm rol oynayır. Nigar Əliyevanın bu göstəricisi onun gələcək təhsil həyatında geniş imkanlar açır.