“Plan yerləri hələ ki, bizə məlum deyil. Amma bilirik ki, keçənilki səviyyədə olacaq”.

Realmedia.info xəbər verir ki, bu sözləri Dövlət İmtahan Mərkəzinin İdarə Heyətinin sədri Məleykə Abbaszadə ASAN TV-yə müsahibəsində deyib.

O bildirib ki, ötən il ali təhsil müəssisələrinə qəbul üzrə təxminən 60 minə yaxın plan yeri ayrılmışdı.

“Müəyyən olunan yerlərin 28 mini dövlət sifarişli yerlər idi. Bu isə o deməkdir ki, həmin yerlərdə təhsil alan şəxslərin təhsil haqqı dövlət tərəfindən ödənilir”, – deyə Məleykə Abbaszadə vurğulayıb.

DİM sədri əlavə edib ki, dövlət sifarişli yerlərin sayı ildən-ilə artır və hazırda təqdim olunan plan yerlərinin təxminən 50 faizini məhz bu kateqoriya təşkil edir.