Mənbə: RealMedia.info
Müəllif: Əziz İsmayılov – “Xocalı Soyqırımını Tanıtma” ictimai birliyinin İdarə Heyətinin üzvü

Hüseynov Nazim Mərdan oğlu Vətən müharibəsi və Qarabağ uğrunda aparılan döyüşlərdə göstərdiyi igidliyi ilə seçilən Qarabağ qazilərindən biridir. O, hər zaman Vətənə sədaqəti, milli ruhu və prinsipial mövqeyi ilə tanınır.

Nazim Hüseynov hazırda Xankəndi şəhərində “Vətən Servis”in rəhbəri kimi fəaliyyət göstərir. Onun rəhbərlik etdiyi iş mühiti səmimiyyəti, məsuliyyəti və vətənpərvərlik dəyərləri ilə seçilir. O, həm döyüş meydanında, həm də gündəlik həyatında Vətənə xidmət etməyi özünün əsas həyat missiyası hesab edir.

Eyni zamanda o, VƏTƏNƏ XİDMƏT ictimai birliyinin təsisçilərindən biridir. Bu fəaliyyət onun vətənpərvərlik ideyalarının təkcə fərdi deyil, həm də ictimai müstəvidə davam etdiyini göstərir.

Qazi kimi keçdiyi şərəfli yol onun gənc nəsil üçün örnək olmasına səbəb olub. Nazim Hüseynovun fəaliyyəti göstərir ki, Vətənə sevgi təkcə döyüş meydanında deyil, həm də səmərəli iş və ictimai nümunə ilə yaşadılır.

Bu gün o, həm qazilərimizə, həm də gənclərə vətənpərvərlik ruhunun aşılanmasında mühüm rol oynayan şəxslərdən biridir.