Realmedia.info xəbər verir ki, Naxçıvanda 2016-cı il Aprel döyüşləri zamanı Füzuli istiqamətində şəhid olan mayor Rasim Məmmədov üçün anım tədbiri keçirilib. Rasim Məmmədov 4 apreldə döyüşlərdə şəhid olub və 5 apreldə doğulduğu qəsəbədə dəfn edilib.

Şəhidin qardaşı Aslan Məmmədov tədbirdə Rasimi belə yad edib:

"Əvvəllər Rasim məktəbdə oxuyan vaxtı həmişə həkim olmaq istəyirdi. Sadəcə 1992-ci ildə atam yaralanandan sonra o dedi ki, yox, mən hərbçi olacağam, atamın qisasını alacağam. 1992-ci ildən sonra hamımızın həyatı dəyişdi və Rasim hərbçi oldu. O, həmişə vətənpərvər biri olub, onun vətənpərvərliyi bu gün bizim ailəmizin gənclərinə də sirayət edib."