Azərbaycan Respublikasının Prezidenti İlham Əliyev Qarabağ və Şərqi Zəngəzur bölgələrində hazırda təxminən 90 min insanın məskunlaşdığını, həmin ərazilərdə işlədiyini və təhsil aldığını bildirib.

Dövlət başçısı bu fikirləri Bakıda keçirilən İslam İnkişaf Bankı Qrupunun 2026-cı il üzrə İllik Toplantılarının açılış mərasimində çıxışı zamanı səsləndirib.

Prezident qeyd edib ki, azad edilmiş ərazilərdə genişmiqyaslı bərpa və yenidənqurma işləri aparılır. Onun sözlərinə görə, müxtəlif infrastruktur və yaşayış layihələrinin həyata keçirilməsi üçün dövlət büdcəsindən 15 milyard ABŞ dollarından çox vəsait ayrılıb.

Bütün maliyyə mənbələri nəzərə alındıqda isə Qarabağ və Şərqi Zəngəzura yönəldilən ümumi investisiyaların həcmi təxminən 17 milyard ABŞ dollarına yaxınlaşır.