Azərbaycan Prezidenti İlham Əliyev İslam İnkişaf Bankı Qrupunun sədri Məhəmməd Süleyman Əl-Casirə "Dostluq" ordenini təqdim edib.

Təltifetmə mərasimi Prezident İlham Əliyevin Ərəb Koordinasiya Qrupuna daxil olan üzv qurumların rəhbər şəxslərindən ibarət nümayəndə heyətini qəbul etdiyi zaman baş tutub.

Dövlət başçısı tərəfindən təqdim olunan orden Məhəmməd Süleyman Əl-Casirə Azərbaycan ilə İslam İnkişaf Bankı arasında əməkdaşlığın inkişafına verdiyi mühüm töhfələrə görə verilib.

Məhəmməd Süleyman Əl-Casir ona göstərilən yüksək etimada və fəaliyyətinə verilən qiymətə görə Prezident İlham Əliyevə təşəkkürünü bildirib.

Qeyd edək ki, təltif Prezident İlham Əliyevin müvafiq Sərəncamına əsasən həyata keçirilib.