Azərbaycan Respublikasının Prezidenti İlham Əliyevin iyunun 18-də Ərəb Koordinasiya Qrupuna daxil olan üzv qurumların rəhbər şəxslərindən ibarət nümayəndə heyəti ilə görüşündən sonra mühüm sənədlərin imzalanma mərasimi keçirilib.

Tədbir çərçivəsində Prezident İlham Əliyevin iştirakı ilə "Sumqayıt Yeni Tullantı Sutəmizləyici Qurğunun tikintisi" layihəsi üzrə Kredit sazişi imzalanıb.

Bununla yanaşı, Azərbaycan Respublikasının İqtisadiyyat Nazirliyi, Azərbaycan Dövlət Su Ehtiyatları Agentliyi və Ərəb Koordinasiya Qrupu üzvləri arasında "Abşeron yarımadasında 33 yaşayış məntəqəsinin su təchizatı və kanalizasiya sistemlərinin tikintisi layihəsi üzrə əməkdaşlığın genişləndirilməsinə dair Anlaşma Memorandumu"nun mübadiləsi həyata keçirilib.

İmzalanan sənədlər ölkədə su təchizatı və kanalizasiya infrastrukturunun təkmilləşdirilməsi, həmçinin beynəlxalq maliyyə qurumları ilə əməkdaşlığın daha da genişləndirilməsi baxımından mühüm əhəmiyyət daşıyır.