Ermənistan Mərkəzi Seçki Komissiyası (MSK) ölkə üzrə fəaliyyət göstərən 2005 seçki məntəqəsinin hamısında səslərin hesablanmasını başa çatdırıb.

Realmedia.info xəbər verir ki, ilkin nəticələrə əsasən, hakim Vətəndaş Sazişi Partiyası 49,81 faiz səs (727 min 160 səs) toplayaraq birinci yerdə qərarlaşıb.

"Güclü Ermənistan" bloku 23,29 faiz (340 min 62 səs) nəticə ilə ikinci, "Ermənistan" bloku isə 9,94 faiz (145 min 97 səs) səslə üçüncü olub.

Məlumata görə, "Çiçəklənən Ermənistan" Partiyası 4 faiz (58 min 368 səs) toplayıb. Bu göstərici partiyanın parlamentə düşməsi üçün yetərli olmayıb.

Səsvermədə ümumilikdə 1 milyon 476 min 916 seçici iştirak edib.

Hazırkı nəticələrə əsasən, yeni çağırış parlamentdə Vətəndaş Sazişi Partiyası, "Güclü Ermənistan" bloku və "Ermənistan" bloku təmsil olunacaq.