Azərbaycan Respublikasının Prezidenti İlham Əliyev sosial media hesabında WUF13 ilə bağlı paylaşım edib.

Dövlət başçısı bildirib ki, Azərbaycan COP29-dan sonra ölkədə keçirilən ikinci ən böyük beynəlxalq tədbir olan Ümumdünya Şəhərsalma Forumuna (WUF13) ev sahibliyi etməklə mühüm qlobal platformaya çevrilib.

Qeyd olunub ki, forumda təxminən 60 min iştirakçı bir araya gələrək tədbiri tarixdə ən genişmiqyaslı Ümumdünya Şəhərsalma Forumu edib.

Paylaşımda həmçinin Azərbaycanın təşəbbüsü ilə ilk dəfə keçirilən Liderlər Sammitinin qlobal şəhərsalma gündəliyinə yeni siyasi dinamika qazandırdığı vurğulanıb.

Sənəddə forum çərçivəsində qəbul edilən “Sədrin Xülasəsi” və “Bakı Fəaliyyətə Çağırış” kimi yekun sənədlərin qlobal şəhər inkişafı üçün mühüm əhəmiyyət daşıdığı qeyd edilib.

Dövlət başçısı Azərbaycanın Qarabağ və Şərqi Zəngəzurda aparılan yenidənqurma proseslərini də xatırladaraq, bunun post-münaqişə bölgələri üçün nümunə kimi qiymətləndirildiyini bildirib.