Azərbaycan BMT-nin barışıq sazişləri haqqında Konvensiyasına qoşuldu [xfgiven_qirmizi] [xfvalue_qirmizi] [/xfgiven_qirmizi]
Azərbaycan Birləşmiş Millətlər Təşkilatının “Mediasiya nəticəsində əldə olunan beynəlxalq barışıq sazişləri haqqında Konvensiya”sına qoşulub.
Bu barədə Azərbaycanın BMT-dəki Daimi Nümayəndəliyinin “X” sosial şəbəkə hesabında məlumat yayılıb.
Bildirilib ki, Azərbaycanın BMT yanında daimi nümayəndəsi Tofiq Musayev BMT-nin Hüquq Məsələləri İdarəsini ziyarət edib. Səfər çərçivəsində o, 20 dekabr 2018-ci ildə Nyu-Yorkda qəbul edilmiş “Mediasiya nəticəsində əldə edilmiş beynəlxalq barışıq sazişləri haqqında Konvensiya”nı Azərbaycan Respublikası adından imzalamaq üçün müvafiq prosedurları həyata keçirib.
Qeyd edək ki, bu Konvensiya beynəlxalq səviyyədə mediasiya yolu ilə əldə olunan barışıq sazişlərinin tanınması və icrasını təmin etməyə xidmət edir. Azərbaycanın sənədə qoşulması ölkənin beynəlxalq hüquqi əməkdaşlıq sahəsində mövqeyinin daha da möhkəmlənməsi kimi qiymətləndirilir.
