Azərbaycan Respublikasının Prezidenti İlham Əliyev Latviya Respublikasının Prezidenti Edqars Rinkeviçsə Azərbaycanla Ermənistan arasında davam edən sülh prosesi barədə məlumat verib.

Realmedia.info xəbər verir ki, bu barədə dövlət başçısı aprelin 22-də ölkəmizdə rəsmi səfərdə olan Latviya Prezidentilə mətbuata bəyanatı zamanı danışıb.

Prezident İlham Əliyev bildirib ki, Azərbaycanla Ermənistan arasında artıq de-fakto sülh mövcuddur. O, həmçinin qeyd edib ki, ötən il hər iki ölkənin lideri Ağ Evə dəvət olunub, nəticədə Birgə Bəyannamə imzalanıb və sənəd xarici işlər nazirləri tərəfindən paraflanıb.

Dövlət başçısı vurğulayıb ki, bu proses regionda sabitliyin və təhlükəsizliyin möhkəmlənməsi baxımından mühüm əhəmiyyət daşıyır.