Bakıda keçirilən Türk Dövlətləri Təşkilatı (TDT) çərçivəsində yüksək səviyyəli görüşdə iştirakçı ölkələr tərəfindən birgə bəyanat qəbul olunub. Tədbirdə çıxış edən Azərbaycan Respublikasının Prezidenti İlham Əliyev təşkilatın əhəmiyyətindən və gələcək perspektivlərindən bəhs edib.

Dövlət başçısı vurğulayıb ki, Orta Dəhliz layihəsi iştirakçı ölkələrin hər biri üçün strateji əhəmiyyət daşıyır:
“Orta Dəhliz hər birimizin marağına cavab verir”.

Prezident qeyd edib ki, Azərbaycan TDT-nin inkişafında mühüm rol oynayır və bu istiqamətdə fəaliyyətini davam etdirəcək:

“Azərbaycan Türk Dövlətləri Təşkilatının inkişafına böyük töhfə verir və verəcək”.

İlham Əliyev çıxışında Azərbaycanın xarici siyasətində TDT-yə üzv dövlətlərlə əməkdaşlığın prioritet olduğunu xüsusi vurğulayıb:

“Xarici siyasətimizdə TDT-yə üzv ölkələrlə əlaqələrimiz prioritet təşkil edir”.

Dövlət başçısı, həmçinin təşkilatın gələcək inkişafı ilə bağlı konkret addımların atılacağını bildirib:

“Türk Dövlətləri Təşkilatının gələcək inkişafı ilə bağlı növbəti addımlar atılacaq”.

Prezident diqqətə çatdırıb ki, işğaldan azad olunmuş ərazilərin bərpası prosesində qardaş ölkələrin dəstəyi xüsusi əhəmiyyət daşıyır:

“Qarabağın və Şərqi Zəngəzurun bərpasında yenə də bizim yanımızda qardaş ölkələrdir”.

Qeyd edək ki, qəbul edilən birgə bəyanat TDT çərçivəsində əməkdaşlığın daha da genişləndirilməsini, iqtisadi, nəqliyyat və humanitar sahələrdə əlaqələrin gücləndirilməsini nəzərdə tutur. Görüş, üzv dövlətlər arasında həmrəyliyin və strateji tərəfdaşlığın daha da möhkəmləndiyini bir daha nümayiş etdirib.