Lerik rayonunda zəlzələ qeydə alınıb.

Realmedia.info xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin Tədqiqatı Bürosu məlumat yayıb.

Məlumata əsasən, yeraltı təkan saat 15:31-də qeydə alınıb. Zəlzələnin maqnitudası 3.6, ocağının dərinliyi isə 24 kilometr olub.

Bildirilib ki, yeraltı təkan Lerik rayonu ilə yanaşı, Lənkəran rayonunda da hiss olunub.

Hazırda zəlzələ nəticəsində hər hansı dağıntı, tələfat və ya xəsarət alanlarla bağlı rəsmi məlumat verilməyib. Aidiyyəti qurumlar vəziyyəti nəzarətdə saxlayır.