Azərbaycanı UEFA Konfrans Liqasında təmsil edən "Neftçi" II təsnifat mərhələsinin cavab oyununda Belarusun "Dinamo" (Minsk) komandası üzərində qələbə qazansa da, növbəti mərhələyə yüksələ bilməyib.

Realmedia.info xəbər verir ki, Bolqarıstanın Stara Zaqora şəhərində yerləşən "Beroe" stadionunda keçirilən qarşılaşma Bakı təmsilçisinin 1:0 hesablı qələbəsi ilə başa çatıb.

Görüşdə yeganə qolu 13-cü dəqiqədə braziliyalı hücumçu Breno Almeyda vurub və "Neftçi"ni hesabda önə keçirib.

Lakin ilk oyunda Bakıda 2:4 hesabı ilə məğlub olan "ağ-qaralar" iki qarşılaşmanın yekununda 3:4 hesabı ilə rəqibinə uduzaraq UEFA Konfrans Liqasındakı mübarizəsini dayandırıb.

Beləliklə, Belarus təmsilçisi "Dinamo" (Minsk) növbəti təsnifat mərhələsinə yüksəlib, "Neftçi" isə avrokuboklarla erkən vidalaşıb.