Qazaxıstan Prezidenti Kasım-Jomart Tokayev Türk Dövlətləri Təşkilatının növbəti zirvə görüşünün keçiriləcəyini elan edib.

Məlumata görə, Türk Dövlətləri Təşkilatı liderlərinin sammiti may ayında Türküstan şəhərində baş tutacaq.
Qeyd olunur ki, tədbirdə təşkilata üzv ölkələrin dövlət başçıları bir araya gələrək siyasi, iqtisadi və regional əməkdaşlıq məsələlərini müzakirə edəcəklər.

TDT türk dövlətləri arasında əməkdaşlığın genişləndirilməsini hədəfləyən beynəlxalq platformadır və təşkilat çərçivəsində keçirilən sammitlər strateji qərarların qəbulunda mühüm rol oynayır.

Xatırladaq ki, təşkilatın əvvəlki sammitlərindən biri 2025-ci ildə Azərbaycanda keçirilib və növbəti görüşlərin müxtəlif üzv ölkələrdə təşkili planlaşdırılır.