Ermənistanın baş naziri Nikol Paşinyan bildirib ki, İrəvan və Vaşinqton “Tramp marşrutu” (TRIPP) layihəsinin qısa müddətdə həyata keçirilməsində maraqlıdır.

Məlumata görə, Paşinyan parlamentdə keçirilən hökumət saatı zamanı qeyd edib ki, Ermənistan layihə ilə bağlı ABŞ-dən yüksək səviyyəli marağın davam etdirilməsi barədə təminat alıb.

O bildirib ki, son dövrlərdə layihənin icra tempi sürətlənib və bir neçə gün əvvəl marşrut çərçivəsində elektrik ötürücü xətlərin tikintisi planlaşdırılandan əvvəl müzakirə olunub. Paşinyanın sözlərinə görə, layihənin sürətləndirilməsində Azerbaijan da maraqlıdır.

Baş nazir daha əvvəl İran ətrafında baş verən proseslərin TRIPP layihəsinin icra müddətinə təsir göstərə biləcəyini desə də, hazırda müəyyən risklərin qalmasına baxmayaraq, layihəyə cəlb olunma səviyyəsinin artacağına əminliyini ifadə edib.