Azərbaycan və Ermənistan vətəndaş cəmiyyəti nümayəndələrinin dəyirmi masa görüşü [xfgiven_qirmizi] [xfvalue_qirmizi] [/xfgiven_qirmizi]
Azərbaycanın vətəndaş cəmiyyəti nümayəndələri fevralın 13-14-də Ermənistanda “Sülh Körpüsü” təşəbbüsü çərçivəsində keçirilən ikitərəfli dəyirmi masada iştirak ediblər.
Azərbaycan nümayəndə heyəti sərhədin demarkasiya olunmuş hissəsi vasitəsilə Ermənistana daxil olaraq bütün prosedurlardan keçib. Görüş zamanı iki ölkənin vətəndaş cəmiyyəti nümayəndələri Vaşinqton sammitində təsdiqlənmiş sülh gündəliyi çərçivəsində regionda təhlükəsizlik, iqtisadi əməkdaşlıq və qarşılıqlı etimadın möhkəmləndirilməsi məsələlərini müzakirə ediblər.
Azərbaycan tərəfdən görüşdə Cənubi Qafqaz Araşdırmalar Mərkəzinin direktoru Fərhad Məmmədov, “Topçubaşov” Mərkəzinin direktoru Rusif Hüseynov, TREND Beynəlxalq Xəbər Agentliyinin baş redaktoru Emin Əliyev, CBC televiziyasının redaktoru Sənan Rzayev və digər tanınmış ekspertlər iştirak edib.
Bu səfər iki ölkə arasında etimadın artırılması və vətəndaş cəmiyyətlərinin əməkdaşlığının möhkəmləndirilməsi baxımından önəm daşıyır.
