İspaniyanın “Valensiya” klubunun futbolçusu Largi Ramazaninin evi La Liqanın 38-ci turunda “Barselona”ya qarşı keçirilən oyun zamanı qarət edilib.

Məlumata görə, naməlum şəxslər evə pəncərədən daxil olublar. Hadisə zamanı siqnalizasiya sisteminin işləmədiyi bildirilir.

25 yaşlı futbolçu oğurluqdan yalnız matçdan sonra evinə qayıdarkən xəbər tutub. İlkin hesablamalara əsasən, evdən təxminən 100 min avro dəyərində nağd pul, zinət əşyaları və bahalı dizayner geyimləri aparılıb.

Qeyd edək ki, Largi Ramazani “Lids Yunayted” klubuna məxsusdur və hazırda “Valensiya”da icarə əsasında çıxış edir. Futbolçunun yaxın günlərdə Londona yollanmağa hazırlaşdığı bildirilib.