Bu gün “Bakı-Xankəndi” Azərbaycan velosiped yarışı başlayır.

Yarış 5 mərhələdən ibarət olacaq. İlk mərhələ “Sea Breeze”dən start götürərək Bakı şəhərinin görməli yerlərindən keçəcək və Sumqayıt şəhərində başa çatacaq. Mərhələnin uzunluğu 158,7 kilometrdir.

Beynəlxalq Velosipedçilər İttifaqının (UCI) 2.1 kateqoriyası üzrə keçirilən yarışda dünyanın 20 ölkəsini təmsil edən 24 komanda iştirak edəcək. Yarışın ümumi mükafat fondu 50 min avrodan çoxdur.

Turnirə mayın 14-də yekun vurulacaq.

Yarışın mərhələləri:

10 may
I mərhələ – “Sea Breeze” – Bakı – Sumqayıt (158,7 km)

11 may
II mərhələ – Bakı – Şamaxı – İsmayıllı (193,2 km)

12 may
III mərhələ – Qəbələ – Oğuz – Şəki – Mingəçevir (163,3 km)

13 may
IV mərhələ – Gəncə – Göygöl – Goranboy – Suqovuşan – Talış – Naftalan (152,7 km)

14 may
V mərhələ – Tərtər – Ağdam – Füzuli – Şuşa – Xankəndi (181,3 km)