Azərbaycan Kikboksinq Federasiyası və "Xocalı" İdman Klubunun birgə təşkilatçılığı ilə idmanın kikboksinq növü üzrə yarış keçirilib. Yarış Bakının Xətai rayonunda yerləşən "Sərhədçi" Olimpiya İdman Mərkəzində keçirilib.

Fevralın 21-də "Xocalı kuboku - 7" devizi altında təşkil olunan yarışın açılış mərasimi keçirildi. Yarışı "Xocalı" İdman Klubunun direktoru və baş məşqçisi, İdman ustası Əli Cəfərov açdı. Azərbaycan Respublikasının Dövlət Himni səsləndirildi, şəhidlərin xatirəsi 1 dəqiqəlik sükutla yad edildi.Əli müəllim qeyd etdi ki, yarışda 50 komanda və 500 idmançı iştirak edir.
Yarışa fevralın 22-də yekun vurulacaq.

Mövsümağa Ədalətoğlu,
Əziz İsmayılov.
21.02.2026.