Hidayət Heydərov Avropa çempionatında gümüş medal qazandı [xfgiven_qirmizi] [xfvalue_qirmizi] [/xfgiven_qirmizi]
Hidayət Heydərov Gürcüstanın Tbilisi şəhərində keçirilən cüdo üzrə Avropa çempionatında Azərbaycan yığmasının aktivinə gümüş medal qazandırıb.
Realmedia.info xəbər verir ki, 73 kiloqram çəki dərəcəsində tatamiyə çıxan Azərbaycanın olimpiya çempionu final görüşündə yerli idmançı Laşa Şavdatuaşvili ilə qarşılaşıb və gərgin keçən mübarizədə məğlub olaraq ikinci yeri tutub.
Çempionata gedən yolda Hidayət Heydərov uğurlu çıxış nümayiş etdirərək 1/16 finalda yunanıstanlı Konstantinos Tsaparas, 1/8 finalda kosovolu Dardan Çenan, 1/4 finalda fransalı Dayyan Boulemtafes və yarımfinalda türkiyəli Bilal Çiloğlunu məğlub edib.
Qeyd edək ki, bu medal onun karyerasında Avropa çempionatlarında qazandığı ikinci gümüş medaldır.
Turnir Tbilisidə aprelin 19-da yekunlaşacaq. Bundan əvvəl yarışın ilk günündə Azərbaycan yığmasının daha iki üzvü – Əhməd Yusifov və Turan Bayramov bürünc medal qazanmışdı.
