“Sizə nə VAR?” – Azarkeşlər Azərbaycan Futbol Federasiyaları Assosiasiyası-na etiraz pankartı açdı [xfgiven_qirmizi] [xfvalue_qirmizi] [/xfgiven_qirmizi]
Azərbaycan Premyer Liqasının XXIII turu çərçivəsində keçirilən Neftçi PFK – Turan Tovuz PFK oyunu zamanı tribunada diqqətçəkən hadisə baş verib.
Məlumata görə, meydan sahiblərinin azarkeş qrupu olan “Forza Neftçi” qarşılaşmanın əvvəlində üzərində “Sizə nə VAR?” sözləri yazılmış pankart nümayiş etdirib. Bu pankartla azarkeşlər hakimlik və VAR qərarları ilə bağlı narazılıqlarını ifadə ediblər.
Azarkeşlərin mesajında hakimlərin qərarlarının Azərbaycan Futbol Federasiyaları Assosiasiyası tərəfindən idarə olunduğuna işarə edildiyi bildirilib.
Qeyd edək ki, ötən turda Neftçi PFK ilə Şamaxı FK arasında keçirilən oyunda “ağ-qaralar”ın qapısına təyin olunan penalti qərarı böyük müzakirələrə səbəb olmuşdu. Bundan sonra klub hakimliklə bağlı narazılığını açıqlamış və VAR sisteminin tətbiqini sual altına almışdı.
AFFA isə məsələ ilə bağlı müzakirələrə açıq olduqlarını bildirmişdi.
