AFFA Region Liqasında çıxış edən “İstiqlal” futbol klubu yarışdan kənarlaşdırılıb.
Bu barədə AFFA-nın müvafiq qərarında bildirilib. Məlumata görə, 2024-cü il dekabrın 28-də keçirilməsi nəzərdə tutulan “İstiqlal” – “Sabirabad” oyunu meydan sahiblərinin təyin olunmuş vaxtda stadionda olmaması səbəbindən baş tutmayıb. Nəticədə “İstiqlal” komandasına 0:3 hesablı texniki məğlubiyyət verilib.
Qeyd olunub ki, bu hal cari mövsümdə ardıcıl üçüncü dəfə təkrarlanıb. AFFA-nın Region Liqasının Əsasnaməsinə əsasən, komanda oyunlara səbəbsiz şəkildə çıxmadığı halda liqadan kənarlaşdırılır.
Bu səbəbdən AFFA “İstiqlal” klubunun Region Liqasındakı çıxışına xitam verilməsi barədə qərar qəbul edib.