Türkiyənin aparıcı futbol klublarından olan “Fənərbağça” Azərbaycan millisinin və “Qarabağ” klubunun üzvü Elvin Cəfərquliyevi transfer etmək niyyətindədir.
Bu barədə xarici KİV məlumat yayıb. İddialara görə, İstanbul təmsilçisi sol cinah müdafiəçisinin keçidi üçün təxminən 10 milyon avro ödəməyə hazırdır.
Bildirilir ki, 25 yaşlı futbolçuya yalnız Türkiyədən deyil, eyni zamanda Fransa və İtaliya klublarından da maraq var. Elvin Cəfərquliyevin son mövsümlərdə “Qarabağ”ın heyətində, eləcə də Avrokuboklarda göstərdiyi stabil oyun bir sıra klubların diqqətini cəlb edib.
Qeyd edək ki, yayılan məlumatlar hələlik rəsmi təsdiqini tapmayıb. “Qarabağ” klubu və futbolçunun tərəfi məsələ ilə bağlı açıqlama verməyib.