🇦🇿 Prezident İlham Əliyev “Qarabağ”ı Çempionlar Liqasındakı parlaq qələbəsi münasibətilə təbrik etdi [xfgiven_qirmizi] [xfvalue_qirmizi] [/xfgiven_qirmizi]
Azərbaycan Respublikasının Prezidenti İlham Əliyev Ağdamın “Qarabağ” futbol klubunu UEFA Çempionlar Liqasının əsas mərhələsində Almaniyanın “Ayntraxt” komandası üzərində qazandığı parlaq qələbə münasibətilə təbrik edib.
Prezident təbrikində bildirib:
"Hakimin ədalətsiz və qərəzli qərarlarına baxmayaraq, haqq-ədalət öz yerini tapdı. Birinci dəfə deyil ki, UEFA tərəfindən təyin edilən hakimlər ədalətsiz və qərəzli qərarları ilə Qarabağın qələbə yolunu kəsməyə çalışırlar. Ümid edirəm ki, UEFA bu hakimin kimin tərəfindən təyin olunmasına aydınlıq gətirəcək. Ədaləti və əyilməz ruhu məğlub etmək mümkün deyil. Yaşasın Qarabağ!"
