Paytaxtın Nəsimi rayonunda avtomobilin üzərinə uzanaraq qeyri-adekvat hərəkətlər edən qadınla bağlı polis tərəfindən araşdırma aparılıb.

Realmedia.info xəbər verir ki, hadisə ilə bağlı yayılan görüntülərdən sonra qadının şəxsiyyəti polis əməkdaşları tərəfindən müəyyən edilib.

Məlumata görə, araşdırmalar zamanı onun 1981-ci il təvəllüdlü olduğu və psixi sağlamlığı ilə bağlı qeydiyyatda olduğu məlum olub.

Bildirilib ki, qadın ailə üzvlərinin nəzarətindən yayınaraq küçəyə çıxıb və hərəkətdə olan avtomobilin üzərinə uzanıb.

Hazırda onun sağlamlıq vəziyyəti nəzarətə götürülüb. Qadının ixtisaslaşmış tibb müəssisəsinə yerləşdirilməsi istiqamətində müvafiq tədbirlərin görüldüyü qeyd olunub.

Hadisə ilə bağlı aidiyyəti qurumlar tərəfindən araşdırma və digər zəruri prosedurlar davam etdirilir.