Masallı rayonunun Qızılağac kəndində baş verən güclü yanğın faciə ilə nəticələnib.

Realmedia.info xəbər verir ki, fərdi yaşayış evində baş verən yanğın zamanı 1967-ci il təvəllüdlü Camələddin Həsənağa oğlu Abdullayev və onun 2 yaşlı nəvəsi Məhərrəm Mehman oğlu Məmmədzadə həyatını itirib. 

Məlumata görə, hadisə yerinə dərhal aidiyyəti qurumların əməkdaşları cəlb olunub və yanğın söndürülüb. Yanğının başvermə səbəbləri hazırda araşdırılır.

Faciə nəticəsində həyatını itirən baba və nəvənin fotosu sosial şəbəkələrdə yayılıb və bu hadisə ictimaiyyət arasında böyük kədər doğurub.

Faktla bağlı araşdırma aparılır.