Bakı–Astara yolunda faciə: Yanğının söndürülməsi zamanı FHN əməkdaşı həlak olub [xfgiven_qirmizi] [xfvalue_qirmizi] [/xfgiven_qirmizi]
21 fevral 2026-cı il tarixində səhər saat 06:00 radələrində Bakı–Astara magistral yolunda avtomobildə baş vermiş yanğının söndürülməsi zamanı faciəvi hadisə baş verib.
Yanğının ləğvi istiqamətində əməliyyat aparan Fövqəladə Hallar Nazirliyinin Dövlət Yanğından Mühafizə Xidmətinin Şirvan Şəhər Yanğından Mühafizə Dəstəsinin əməkdaşı, 1984-cü il təvəllüdlü Piriyev Hakim Şahlar oğlu xidməti vəzifəsini yerinə yetirərkən hərəkətdə olan yük avtomobilinin vurması nəticəsində həyatını itirib.
Hadisə ilə bağlı araşdırma aparılır.
Qeyd edək ki, həlak olan əməkdaş yanğının qarşısının alınması və ərazidə təhlükəsizliyin təmin edilməsi üçün xidmət başında olub.
