Paytaxtın Nərimanov rayonunda bədbəxt hadisə baş verib.
Realmedia.info xəbər verir ki, yaşlı qadın Ağa Nemətulla küçəsi, 22 ünvanında yerləşən 5 mərtəbəli binanın 4-cü mərtəbəsindən yıxılıb. Hadisə nəticəsində Qərənfil Sadıqova dünyasını dəyişib.

Qonşuların sözlərinə görə, mərhum bir neçə il əvvəl oğlunu itirmiş və bundan sonra səhhətində problemlər yaranmışdı. O, son dövrlərdə Parkinson xəstəliyindən əziyyət çəkirmiş və həyat yoldaşı ilə qızı ilə birlikdə yaşayırmış.

Hadisə barədə məlumat daxil olduqdan sonra prokurorluq əməkdaşları dərhal hadisə yerinə gələrək meyitə baxış keçiriblər. Mərhumun meyiti dəfn olunması üçün doğulduğu Tovuz rayonuna göndərilib. Faktla bağlı Nərimanov Rayon Prokurorluğunda araşdırma aparılır.