Rusiyada yoxa çıxan helikopter tapıldı: Üç nəfər həlak olub [xfgiven_qirmizi] [xfvalue_qirmizi] [/xfgiven_qirmizi]
Rusiyanın Amur vilayətində bir neçə gün əvvəl yoxa çıxan helikopter tapılıb.
Məlumata görə, “Robinson R44” tipli şəxsi helikopter havaya qalxdıqdan qısa müddət sonra radarlardan itib və onunla əlaqə kəsilib. Hadisədən dərhal sonra axtarış-xilasetmə əməliyyatlarına başlanılıb.
Axtarışlar nəticəsində helikopterin qəzaya uğradığı ərazi müəyyən edilib. Qəza yerində göyərtədə olan üç nəfərin meyiti aşkarlanıb. İlkin məlumata əsasən, həlak olanlar arasında pilot və iki sərnişin olub.
Hadisənin başvermə səbəbləri araşdırılır. Faktla bağlı müvafiq qurumlar tərəfindən istintaq tədbirləri davam etdirilir.
