Rusiyanın Perm bölgəsində özəl helikopter qəzaya uğrayıb – iki nəfər həlak olub [xfgiven_qirmizi] [xfvalue_qirmizi] [/xfgiven_qirmizi]
Rusiyanın Perm bölgəsində özəl helikopterin qəzaya uğraması nəticəsində iki nəfər ölüb. Bu barədə yerli mənbələr məlumat yayıb.
Bildirilir ki, hadisə zamanı ərazidə yerləşən obyektlərə heç bir ziyan dəyməyib. Qəza nəticəsində helikopterdə olan hər iki şəxs hadisə yerində həyatını itirib.
Məlumata görə, ölənlərdən biri “Tattranskom” şirkətinin təsisçisi İlyas Qimadutdinov, digəri isə həmin şirkətin avtomobil kolonunun rəisi Elmir Konyakovdur. Bəzi mənbələrdə həlak olan şəxslərin qardaş olduqları da iddia edilir.
Hazırda qəzanın başvermə səbəbləri araşdırılır. Hadisə ilə bağlı rəsmi qurumlar tərəfindən əlavə məlumat verilməsi gözlənilir.
