Ötən gün saat 11 radələrində ağır və faciəvi hadisə baş verib.
Realmedia xəbər verir ki, 1986-cı il təvəllüdlü Babayev Bəylər Xanlar oğlu keçmiş qaynatasının yaşadığı ünvanda özünü və üç azyaşlı övladını yandıraraq həyatına son qoyub.
İlkin məlumata görə, hadisəyə ailə münaqişəsi səbəb olub. Mərhumun hadisədən əvvəl çəkdiyi videoda keçmiş həyat yoldaşı ilə aralarında yaranmış mübahisələrdən danışdığı bildirilir. Sözügedən açıqlamalarda səsləndirilən iddiaların hüquqi qiyməti hələlik məlum deyil.
Hadisə nəticəsində Bəylər Babayevin həyatını itirdiyi təsdiqlənib. Azyaşlı övladların vəziyyəti ilə bağlı rəsmi qurumlar tərəfindən hələlik açıqlama verilməyib.
Faktla bağlı hüquq-mühafizə orqanları tərəfindən araşdırma aparılır.
Qeyd edək ki, xəbərdə yer alan məlumatlar həssas xarakter daşıdığı üçün oxuculardan diqqətli olmaları xahiş olunur.