Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın göstərişi ilə Ombudsman Aparatının “Psixi sağlamlıq və İnsan hüquqları” sahəsində İşçi Qrupu çərçivəsində monitorinq keçirilib.
Monitorinq çərçivəsində müxtəlif asılılıqlarla bağlı xidmət göstərən “Qurtuluş” Reabilitasiya Mərkəzində reabilitasiya proseslərinin gedişi, şəxslərin məxfiliyinə və şəxsi həyatına hörmət prinsiplərinə riayət olunması yoxlanılıb. Qeyd olunub ki, yalnız könüllü razılıq əsasında məlumatların ictimailəşdirilməsi mümkündür.
Xatırladaq ki, yanvarın 9-da tanınmış keçmiş aparıcı Nəsimi Nəbizadə müalicə aldığı mərkəzdən çıxaraq qaçmışdı. Monitorinqin məqsədi isə həm reabilitasiya proseslərinin keyfiyyətini, həm də hüquqların qorunmasını qiymətləndirməkdir.