Prezident İlham Əliyev zabitlərin hərbi xidmət müddəti ilə bağlı qanunvericiliyə edilən dəyişiklikləri təsdiqləyib.
Dəyişikliklər Prezidentin “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” qanunlara imzaladığı əlavələr əsasında həyata keçirilib.
Qanuna əsasən, ehtiyatdan müddətli həqiqi hərbi xidmətə çağırılan və ya bağlaşma əsasında həqiqi hərbi xidmətə könüllü daxil olan zabitlərin dinc dövrdə həqiqi hərbi xidmət müddəti 6 ay azaldılaraq 1 il müəyyən edilib. İndiyədək bu müddət 1 il 6 ay təşkil edirdi.
Qeyd edək ki, dəyişiklik zabit heyətinin hərbi xidmətə cəlb olunması və idarəetmədə çevikliyin artırılması məqsədi daşıyır.