Azərbaycanda gizir və miçmanlar üçün ehtiyatda olmağın yaş hədləri artırılıb.
Bu barədə Prezident İlham Əliyev “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” qanunlara dəyişiklikləri təsdiqləyib.
Qanuna edilən dəyişikliklərə əsasən, gizir və miçmanlar üçün ehtiyatda olmağın yaş hədləri ayrıca müəyyən edilib. Belə ki:
birinci dərəcə ehtiyatda olan gizir və miçmanlar üçün ehtiyatda olmağın yaş həddi 35 yaş,
ikinci dərəcə ehtiyatda olan gizir və miçmanlar üçün 45 yaş,
üçüncü dərəcə ehtiyatda olan gizir və miçmanlar üçün isə 55 yaş müəyyənləşdirilib.
Qeyd edək ki, dəyişikliklər hərbi xidmətin təşkili və ehtiyat qüvvələrinin formalaşdırılması sahəsində daha çevik mexanizmin yaradılmasına xidmət edir.