Realmedia.info xəbər verir ki, Donald Trumpın adını daşıyan qızılı smartfonların bu həftədən etibarən alıcılara göndərilməsinə başlanılacaq.

Məlumata görə, cihazların satış prosesi ilə Trump Mobile məşğul olur.

Bildirilir ki, smartfonun təqdimatı bir neçə dəfə təxirə salınıb. Belə ki, cihazın ilkin olaraq 2025-ci ilin avqust ayında satışa çıxarılması planlaşdırılsa da, proses müxtəlif səbəblərdən uzanıb.

Şirkətin baş direktoru Pat O'Brayen istehsalatda müəyyən gecikmələrin yaşandığını təsdiqləyib.

Qeyd olunur ki, bundan əvvəl sosial şəbəkələrdə smartfonların alıcılara ümumiyyətlə çatdırılmayacağı ilə bağlı müxtəlif iddialar yayılmışdı. Bununla belə, şirkət öncədən verilən sifarişlərin dəqiq sayı barədə məlumat açıqlamayıb.

Trump Mobile layihəyə olan maraqdan “son dərəcə razı” olduqlarını bildirib.