Türkiyədə 15 yaşına çatmamış şəxslərin sosial şəbəkələrdən istifadəsini məhdudlaşdıran yeni qanun qəbul edilib.

Realmedia.info xəbər verir ki, qanuna əsasən, 15 yaşdan kiçik şəxslərin sosial platformalarda qeydiyyatdan keçməsi və istifadəsi qadağan olunur. Bununla yanaşı, sosial şəbəkə xidmətləri təqdim edən platformalara istifadəçilərin yaşını yoxlamaq üçün xüsusi mexanizmlər tətbiq etmək öhdəliyi qoyulub.

Qeyd olunur ki, bu addım uşaqların rəqəmsal mühitdə təhlükəsizliyinin təmin edilməsi, onların zərərli məzmunlardan qorunması və psixoloji inkişafının müdafiəsi məqsədi daşıyır.

Mütəxəssislər hesab edir ki, yeni qaydalar sosial media platformalarının məsuliyyətini artıracaq və uşaqların internet istifadəsinə daha ciddi nəzarət mexanizmləri formalaşdıracaq.