İranın tarixdə ilk dəfə olaraq ABŞ Hərbi Hava Qüvvələrinə məxsus beşinci nəsil F-35 Lightning II təyyarəsini vurduğu bildirilib.

Realmedia.info xəbər verir ki, bu barədə İranın rəsmi dövlət radiosu (VOI) məlumat yayıb. Təyyarə İran üzərində döyüş tapşırığını yerinə yetirərkən zədələnib və regiondakı ABŞ aviabazalarından birinə məcburi eniş edib.

ABŞ Mərkəzi Komandanlığı (CENTCOM) hadisəni təsdiqləyərək, pilotun vəziyyətinin stabil olduğunu və insidentin araşdırıldığını bildirib.

Qeyd edək ki, bu insident İranın bölgədə artan hərbi fəallığının fonunda baş verib. Ötən günlərdə İran İslam İnqilabı Keşikçiləri Korpusu (SEPAH) İsrailin strateji obyektlərini hədəf alaraq, İsrail Milli Təhlükəsizlik Nazirliyinin binası və “Kanal 13” telekanalının Təl-Əviv ofisinə pilotsuz uçuş aparatları və raket zərbələri endirib.

Analitiklər hesab edir ki, son hadisələr ABŞ-İran və İran-İsrail münasibətlərində gərginliyin daha da artacağına işarədir.