İranın Ali Rəhbəri Əli Xamenei-nin müşaviri, admiral Əli Şamxani və İslam İnqilabı Keşikçiləri Korpusu-nun (SEPAH) komandanı, general-mayor Məhəmməd Pakpur ABŞ və İsrailin həyata keçirdiyi aviazərbələr nəticəsində həlak olub.
Məlumat İranın rəsmi mənbələri tərəfindən təsdiqlənib. Bildirilir ki, son günlər ölkənin müxtəlif bölgələrinə endirilən hava zərbələri zamanı yüksək rütbəli hərbi və siyasi fiqurların olduğu obyektlər hədəf alınıb.

Hadisə regionda onsuz da gərgin olan geosiyasi vəziyyəti daha da kəskinləşdirib. Tehran rəsmiləri hücumlara sərt cavab veriləcəyini bəyan ediblər. ABŞ və İsrail tərəfi isə məsələ ilə bağlı hələlik rəsmi açıqlama yaymayıb.

Analitiklər hesab edirlər ki, bu hadisə Yaxın Şərqdə hərbi qarşıdurma riskini əhəmiyyətli dərəcədə artıra bilər. Region ölkələri və beynəlxalq ictimaiyyət vəziyyəti diqqətlə izləyir.